ပန်းမန် ပန်းခြံ
စင်္ကာပူနိုင်ငံ၊ မရီနာဘေး ဧရိယာတ၀ိုက်တွင် သွားရောက်လည်ပတ်ချင်စရာ နေရာတွေနဲ့ ပြည့်နှက်နေပါသည်။ ဘေဘာတောင်စဉ်တောင်တန်း၊စင်္ကာပူပန်းမန် ပန်းခြံ၊အလက်ဇန္ဒရားတံတားခုံး၊ကနိုပိလမ်းလျှောက်၊ဆန်တိုစာကျွန်း၊လက်ဘရားဒါး သဘာဝစခန်း စသည့်နေရာများ တည်ရှိပါတယ်။
ထိုနေရာများအနက် မွန်းကျပ်သည့် မြို့ပြဘ၀ကို ခဏ မေ့ပျောက်၍ စိတ်အေးချမ်းပြေလျော့စွာ အနားယူနိုင်ပြီး သဘာဝ ပန်းမန်များအကြောင်း လေ့လာလိုလျှင် စင်္ကာပူ ပန်းမန်ပန်းခြံကို သွားရောက်လည်ပတ်သင့်ပေသည်။
HortPark တွင် သဘာဝ ပန်းမန်အမျိုးအစားများလည်း အတော်အသင့် ပြည့်စုံ ပြီး လိပ်ပြာမျိုးခွဲများလည်း ကျက်စားပေသည်။
ပုံ-၂ HortPark က အလှပဂေး
ပုံ-၃ HortPark ပန်းတို့၏ ဘုရင်မ
ပုံ-၄ HortPark က ရွေကြာအလှ
ပုံ-၅ ရှုးရှုးရှဲရှဲ HortPark
ပုံ-၆ အေးအေးချမ်းချမ်း HortPark
ပုံ-၇ ဝေလည်းအတူတူ၊ ကြွေလည်း အတူတူ HortPark, Singapore
စိုက်ပျိုးရေးဝါသနာ ပါသူများအဖို့ ပန်းမျိုးစေ့ အစုံက အစ ဘွန်ဆိုင်းပင်တွေအပြင်၊စိုက်ပျိုးရေးပစ္စည်းအစုံ ကိုလည်း ၀ယ်ယူနိုင်ပါတယ်။
ပုံ-၈ ဝေလည်းတူ ကြွေလည်းတူ - ပန်းစိုက်ခင်း အရောင်းဆိုင်အတွင်း တွေ့ရစဉ်
ပုံ-၉ ကမ္ဘာကြီးကို တို့အလှနဲ့ အလှဆင်မယ်..ပန်းစိုက်ခင်း အရောင်းဆိုင်အတွင်း တွေ့ရစဉ်
ပုံ –၁၀ မြန်မြန်နမ်းပါ ငါ့ကို…ပန်းစိုက်ခင်း အရောင်းဆိုင်အတွင်း တွေ့ရစဉ်
ပုံ – ၁၁ မေမြို့ပန်း မျိုးခွဲများ - ပန်းစိုက်ခင်း အရောင်းဆိုင်အတွင်း တွေ့ရစဉ်
ပုံ –၁၂ လိပ်ပြာပြတိုက် အတွင်းက သနားစရာ အို လိပ်ပြာ
ပုံ –၁၃ နာမည်မသိလို့ ရေဘ၀ဲပင်လို့ နာမည်ပေးထားသည်။
ဖန်လုံအိမ်များအတွင်း ထည့်သွင်းစိုက်ပျိုးထားသည့် ပန်းမန်အလှများကိုလည်း ခန့်ညားစွာ ရှုစားနိုင်ပေသည်။
ပုံ – ၁၄ ဖန်လုံအိမ်ထဲက ပန်းတစ်မျိုး
ပုံ – ၁၅ ဖန်လုံအိမ်ထဲက သူတို့ဘ၀
ပုံ – ၁၆ ဖန်လုံအိမ်တွေဘေးက ငါးကန်လေး
ပုံ – ၁၇ ဖန်လုံအိမ်ထဲက ပန်းတချို့
ပုံ – ၁၈ ဖန်လုံအိမ်ထဲက သစ်ခွတချို့
ပန်းက ပျားကို ကျီစယ်၊ ပျားက ပန်းကို မခွဲနိုင် စသည့် သဘာဝ မြင်ကွင်းများကိုလည်း ရှုစားနိုင်ပေသည်။
ပုံ-၁၉ ပန်းနဲ့ပျား HortPark, Singapore
ထိုမှ တဆင့် Canopy Walk ဘက်သို့ ဆက်သွားလျှင် တောအုပ်အတွင်း ဖြတ်ဖောက်ထားသော တံတားပေါ်တွင်လည်း လှမ်းလျှောက်နိုင်ပေသည်။ ပုစဉ်းရင်ကွဲတို့၏ အော်မြည်သံ ကို လည်း အေးချမ်းစွာ ကြားရပေသည်။ မျောက်မိသားစုများ တပျော်တပါး ခရီးသွားသည်ကိုလည်း ရှုစားနိုင်ပေသည်။
ပုံ – ၂၀ အေးချမ်းတဲ့ တောဖြတ်လမ်းလေး ဟို….အဝေးကငေး
ပုံ – ၂၁ သစ်တောထဲက တံတား မျောက်မိသားစု လား….
ပုံ – ၂၂ ပုတ်သင်ညို အပျိုလိုချင် ခေါင်းညိမ့်
အဲဒီ သစ်တောတံတားလေးကို မျောက်တွေနဲ့ အတူဖြတ်၊ ပုစဉ်းရင်ကွဲသံလေး နားဆင်ရင်း ဖြတ်လျှောက်လို့ ပြီးပြီ ဆိုရင်တော့ Vista Park ကို ရောက်လို့ လာပါပြီ။
Vista Park မှာတော့ သစ်တောသစ်အုပ်တွေရဲ့အလှ၊ အနောက်ဘက်ပင်လယ်ကမ်းခြေအလှတွေကို တ၀ကြီးခံစား နိုင်တဲ့အပြင်၊ ဒုတိယကမ္ဘာစစ်အကြွင်းအကျန် အမြှောက်ကြီးတွေကိုလည်း တွေ့နိုင်ပါသည်။
ပုံ-၂၃ Vista Park က သစ်တောသစ်အုပ်
ပုံ – ၂၄ Vista Park က အင်ကြင်းပင်
ပုံ – ၂၅ Vista Park က ပန်းခင်းအလှ
ပုံ – ၂၆ ဒုတိယ ကမ္ဘာစစ် လက်ကျန် သံချပ်ကာ ကား
ပုံ – ၂၇ ဒုတိယ ကမ္ဘာစစ် လက်ကျန် အမြှောက်
သည်နေရာအားလုံး အကုန် လည်ပြီးရင်တော့ အလက်ဇန္ဒရားလမ်းပေါ်က ကားစီးလို့ အိမ်ပြန်နိုင်ပါတယ်။ ကမ္ဘာလှည့်ခရီးသည်ဆိုရင်လည်း ဟိုတယ်ဆီကို ဒီလမ်းမကနေပဲ တက္ကစီး ငှားလို့ ဒါမှမဟုတ် ကားစီးလို့ ပြန်နိုင်ပါတယ်။
နောက်ဆုံး မမေ့ဖို့ သတိပေးလိုတာကတော့ HortPark ကို သွားလည်မယ်ဆို
၁။ ညနေခင်း နေအေးခါနီး ၄ နာရီ၊ ၅နာရီလောက် သွားပါ။ အေးအေးချမ်းချမ်း နှင့် ပိုခံစားလို့ ကောင်းပါသည်။
၂။ အချိန်ရမည် ဆိုလျှင်ဖြင့် လသာညကို ရွေးသွား၍ အေးချမ်းသည့် လရောင်နှင့် လှပသည့် ပန်းမန်များကြား ထိုင်ခုံစားပွဲများမှာ မိသားစု စကားဝိုင်းများ၊ သူငယ်ချင်းစကားဝိုင်းများ သို့မဟုတ် ချစ်သူနှင့် နှစ်ဦး တီတိုးစကားများ ခင်းကြ၍ မိမိတို့ နှစ်သက်သလို စိတ်တိုင်းကျ အနားယူ သင့်ပါသည်။
၃။ မဖြစ်မနေ သယ်သွားသင့်သည်မှာ ရေဗူးဖြစ်ပါသည်။ HortPark အ၀င် ရေကန်ကြီးအနား သောက်ရေထည့်နိုင်သော ငုတ်တိုင်များရှိ၍ အ၀င်ကတည်းက ရေထည့်သွားသင့်သည်။ လည်ပတ်မောပမ်းလျှင် အဆင်သင့်သောက်နိုင်ရန်ပင်ဖြစ်သည်။ ထို့နောက် VistaPark ရောက်လျှင် သောက်ရေကို တခါ ထပ်ဖြည့်နိုင်ပေသည်။
၎။ ဆာတတ်သူများအတွက် အဆာပြေစားစရာများ တပါးတည် ယူဆောင်သွားသင့်သည်။ ပန်းခြံအတွင်း အဆာပြေဆိုင် မရှိပါ။ ယခင်က Thai Express စားသောက်ဆိုင် ရှိသော်လည်း ယခု မဖွင့်တော့ပေ။ ဆိုင်တဆိုင် ရှိသော်လည်း မင်္ဂလာပွဲ၊ မွေးနေ့ပွဲများ သာ လက်ခံကျင်းပသဖြင့် အဆာပြေ၀င်ရောက် မစားသုံးနိုင်ပါ။
၅။ ကလေးပါသည့် မိသားစုများ ကလေးငယ်များကို အထူးဂရုစိုက်ရန် သတိပေးအပ်ပါသည်။ သစ်တောသစ်အုပ်များကြား သွားလာလျှင်လည်ကောင်း၊ ညအမှောင် ပန်းခြံတွင်း သွားလာလျှင်လည်းကောင်း ကလေးငယ်များ ထိခိုက်ဒဏ်ရာမရှိစေရန် အထူးဂရုပြုပေးပါ။
၆။ နောက်ဆုံးအရေးကြီးသည်မှာ VistaPark သို့ပါ သွားရောက်လည်ပတ်ရန် စဉ်စားထားပါက မိုးလေ၀သ အခြေအနေကို ကြိုတင် စုံစမ်းသင့်ပါသည်။ သစ်တောသစ်အုပ်အတွင်း ရောက်မှ လေပြင်းမုန်တိုင်းနှင့် ကြုံလျှင် အသက်အန္တရာယ် စိုးရိမ်ရပါသည်။
© ကောင်းတမန်